ആത്മാര്പ്പണം
നിറ നിലാവിന്റെ തെന്നലായ്
ഒരു ചെമ്പനീര് പൂ വിരിഞ്ഞു
ഈറനണിഞ്ഞ മിഴികള് തന് സ്പര്ശനം
അറിയാതെ തന്നെ പുല്കിടുന്നോ?
ഇടനെന്ജ്ജില് പിടയുന്ന നീര്കണം പോലും
ഒരു മഞ്ഞു തുള്ളിയായ് മാറിടുന്നോ?
ആരെയോ കാണുവാന് കൊതിക്കുന്ന മാനസം
ആത്മാവില് തര്പ്പണം ചെയ്തിടുന്നോ ?
ഇനിയെന്ന് കാണുമെന്നറിയാതെ വിടരുമ്പോള്
ഇനിയീ പൂക്കാലമാര്ക്കുവേണ്ടി !
ഒരു ചെറു തെന്നലായ് എന്നെ പുല്കുമ്പോള്
അറിയുന്നു ഞാന് നിന് കരസ്പര്ശനം
കരലാളനം കൊതിക്കുന്നു ഞാനെന്നും .....
നിന് നിനവില് അലിയുന്നു ഞാനിന്നു
ഒരു സ്മൃതി പുഷ്പമായ് ............
No comments:
Post a Comment
അഭിപ്രായങ്ങള് കുറിക്കുക