കാനേഷുമാരി

കൊട്ടിഘോഷിച്ചൊരു കണക്കെടുപ്പ്
കണ്ണില്‍ പോടിയിടും കണക്കെടുപ്പ്
അംഗങ്ങളെല്ലാം വീട്ടില്‍ വന്നാല്‍
അടുപ്പ് പുകയ്ക്കുവാനാര് വരും ?

ജീവനോടുണ്ടെന്നറിയാന്‍ ഒരു രേഖ
നിന്നുടെ പേരെന്ത് ?വയസ്സെത്ര ?
മഗ്ഗലം  കഴിഞ്ഞോ? കണവനാര് ?
മക്കളുണ്ടോ?ജാതിയെന്തു
മതമേത് ?നിനക്ക് വിദ്യയുണ്ടോ ?
ഭോജന മാര്‍ഗമെന്തു ?
വരുമാനമെത്ര ?നീ എവിടെ നിന്ന് ?

ദേശത്തില്‍ വന്നൊരു മാറ്റമെല്ലാം
രേഖപെടുത്തിടും ഈ കണക്കില്‍

വീട്ടിലെ ചെപ്പില്‍ കമ്പ്യുട്ടരുണ്ടോ ?
കൈയ്യില്‍ മോടിക്കായ് മോബൈലുണ്ടോ ?
എല്ലാം കണക്കാക്കും പുത്തന്‍ രേഖ !

തീപൊരി ചൂടില്‍ വേന്തമര്‍ന്നു
ഊതിപെരിപ്പിക്കും നേരമ്പോക്ക്

കത്തിയമരുന്ന വിശപ്പടക്കാന്‍
മുണ്ട് മുറുക്കിടും പാവങ്ങളെ ,
കാട്ടില്‍ കഴിയുന്ന പാവങ്ങളെ ,
തേടിയലയുവാനാരുണ്ടിവിടെ?

പൊട്ടിയൊലിക്കുന്ന ദേഹമെല്ലാം
ഗന്ധം വമിക്കും മാറുമായി
കുഞ്ഞിനെ നോക്കും  അമ്മതന്‍ രോദനം
ആരു കേള്‍ക്കാന്‍ ,
ആശ്വാസമോതുവാന്‍ ആരുമില്ല

ലക്ഷകണക്കിന് ആളുകളെ
കുത്തിനിറച്ചിടും ഈ കണക്കില്‍
 പാവങ്ങള്‍ക്ക് നല്‍കുവാന്‍ എന്തുണ്ട് കൈയ്യില്‍ ?

ചേരി പ്രദേശങ്ങള്‍ എത്രയുണ്ട് ?
ചോറ് വയ്ക്കാന്‍ അരിയുണ്ടോ ?
ഇതെല്ലാം നോക്കാന്‍ ആവില്ലയെങ്കില്‍
പെന്നെയെന്തിനീ പോയ്‌ കണക്ക്

ആര്‍ക്കു വേണം ആകെ കണക്ക്
എന്തുചെയ്യാനാവും ഇതിനാല്‍  ?



കോടികള്‍ മുക്കി കണക്കെടുത്ത്
ഇല്ലാത്ത സംഖ്യ പൊലിപ്പിക്കാന്‍
നേരം കളയുന്നതെന്തിനായ് വെറുതെ ,


 ആ കോടികള്‍ പാവങ്ങള്‍ക്കായ്‌ നല്‍കൂ
നല്ലൊരു നാളെയെ അവര്‍ക്ക് നല്‍കൂ ............



ചിത്രങ്ങള്‍ക്ക് കടപ്പാട് -ഗൂഗിള്‍